بە سادەیی

دڵخۆشکردنی خۆت شتێکی سادەیە، تەنها پێویستە بنەماکانی بزانیت، 9 ڕێگای زۆر سادەتان فێر دەکەین بۆ دڵخۆشکردنی خۆت:

1.  هەناسەیەکی قوڵ هەڵمژە

یەکەم هەنگاو بۆ دڵخۆشکردنی خۆت ڕەنگە زۆر سادە و تەنانەت بێ بایەخ دەرکەوێت، بەڵام پەلە بکە.

گەیشتن بە دڵخۆشی دەتوانێت بەقەد هەڵمژینی ١٠ هەناسەی قووڵ سادە بێت. لە قەرەباڵغی ژیانی ڕۆژانەدا، لەبیرمان دەچێت لەسەرخۆبین و ساتێک پشوو بدەین.

تەنها پێویستت بە دوو خولەکە لە شوێنێکی ئارامدا کە کاتێک بۆ هەناسەدان تەرخان بکەیت، هەموو نیگەرانییەکانتان بەجێبهێڵن هەناسەیەکی قووڵ هەڵمژن.

هەناسەدانی قوڵ پەیامێک دەنێرێت بۆ مێشک بۆ ئەوەی ماسولکە گرژەکان ئارام بکاتەوە، هەروەها هەناسەدانی قووڵ یارمەتیت دەدات بەرهەمدارتر بیت.

 2.زیاتر پێبکەنە

ئەگەر هەموو ڕۆژێک کات بۆ زەردەخەنە تەرخان بکەیت، ئەوا تێدەگەیت کە ئەو ساتە کورتەی زەردەخەنە چەند کاریگەری لەسەر هەموو ڕۆژەکەت و تەنانەت کەسانی دیکەش هەیە.

بە هەمان شێوەی قسەکردن لەگەڵ هاوڕێیەکی ئازیز یان ئەندامێکی خێزانەکەت لەگەڵ خۆتدا قسە بکە.

تەنانەت زەردەخەنە دەتوانێت سیستەمی بەرگری لەش بەرز بکاتەوە و فشاری دەروونی کەم بکاتەوە.

زەردەخەنە بە مێشک دەڵێت کە تۆ دڵخۆشیت، بەڵێ! پێکەنین دەرمانە بۆ هەموو ئازارێکی چارەسەرنەکراو.

3. قەدری خۆت بزانە

چاوەڕێی ئەوە مەکە کەسانی تر خاڵە بەهێزەکانت بزانن بەڵکو خۆت قەدری خۆت بزانە. قەدرزانینی خۆت بە سادەیی نیشانت دەدات کە تۆ بەنرخیت، بەچ شێوەیەک قسە لەگەڵ هاوڕێیەکی ئازیز یان ئەندامێکی خێزانەکەتدا دەکەیت  لەگەڵ خۆشت قسە بکە، قەدری خۆت بزانە بەو جۆرەی کە هەیت.

4. لەگەڵ ئازیزانت کات بەسەر بەرە

سەردانیکردنی ئازیزانت لانیکەم هەفتەی جارێک، خووی وتنی نەخێر دەشکێنێت و زیاتر پەیوەندی کۆمەڵایەتیت باشدەبێت، پاراستنی پەیوەندییەکی پتەو لەگەڵ هاوڕێ و خێزانەکەت یارمەتیت دەدات بەختەوەری زیاتر بەدەستبهێنیت نەک مانەوە لەسەر جێگا.

5.بڕۆنە دەرەوە

ڕۆژێک بۆ دەرچوون لە ماڵ و کات بەسەربردن لەگەڵ هاوڕێکانت تەرخان بکە پیاسەیەک لە پارکدا بکە و چێژ لە دیمەنەکان وەربگرە.

مانەوە لە هەوای پاک بۆ ماوەی چەند خولەکێک دەبێتە هۆی باشترکردنی پەستانی خوێن و بەهێزکردنی سیستەمی بەرگری لەش و بێگومان تەندروستی دەروونیت باشتر دەکات.

مانەوە لە شوێنێکی داخراودا بەڕاستی دەتوانێت خنکێنەر بێت. چوونە دەرەوە ڕێگەت پێدەدات لە ڕووی جەستەییەوە خۆت لە دۆخە سترێسییەکان دوور بخەیتەوە، باوەڕم پێ بکە تەنانەت تەنها بۆ ماوەی ١٠ خولەک لە دەرەوە بیت دەتوانێت باری دەروونیت بگۆڕێت.

6.کەمێک لە مۆبایلەکەت دووربکەوەرەوە

لەگەڵ مۆبایلە زیرەکەکان زۆر شت ئاسان بوون، وەڵامدانەوەی ئیمەیڵی کار، سەردانی تۆڕە کۆمەڵایەتییەکان و هتد، بۆیە گرنگە مۆبایلەکەت بۆ چەند خولەکێک لە دوورەوە دابنێیت.

ئایا تۆ یەکێکیت لەو کەسانەی کە کاتێک مۆبایلەکەت نەدۆزیتەوە نیگەران دەبیت؟ باشە کاتی ئەوە هاتووە ئەم خووە بشکێنین، مۆبایلەکەت لە شوێنێک دابنێ، تەنانەت ئەگەر تەنها یەک نیوەڕۆ لە هەفتەیەکدا بێت، بۆ نمونە کتێبێک بخوێنەوە و خۆت نوقم بکە لە دونیای خەیاڵدا.

تەرکیزکردن لەسەر شتێکی تر جگە لە مۆبایلەکەت یارمەتیت دەدات واز لە فشار و نیگەرانییەکانت بهێنیت و سەرنجت لەسەر ئیسراحەت بێت.

7.زیاتر وەرزش بکە

٣٠ خولەک وەرزشکردن لە بەیانیاندا دەبێتە هۆی باشترکردنی باری دەروونیت و ئامادەت دەکات بۆ تەواوی ڕۆژەکە.

وەرزشکردن تەنها سوودی بۆ تەندروستی جەستەیی نییە، بەڵکو کاریگەری لەسەر تەندروستی دەروونیت هەیە.

بە زیادکردنی لێدانی دڵت لە ئەنجامی وەرزشکردن، ئۆکسجینی زیاتر دەگاتە مێشکت، ئەمەش یارمەتی کەمکردنەوەی دڵەڕاوکێ و کەمکردنەوەی خەمۆکی و زیادکردنی دڵخۆشی دەدات.

8.شتی نوێ فێربە

فێربوون تەنها پەیوەندی بە قوتابخانە یان زانکۆوە نییە، هەموومان بەردەوام شتی نوێ فێر دەبین، فێربوون بەشێکە لە ژیان و نابێت لێی دوور بکەویتەوە.

فێربوونی کارامەیی یان بابەتێکی نوێ هەمیشە سوودی هەیە، کاتێک شتێکی نوێ فێر دەبین، مێشکمان دۆپامین دەردەدات.

فێربوونی شتی نوێ نەک هەر یارمەتیت دەدات هەست بە سەرکەوتن بکەیت، بەڵکو لێهاتوویی و زانیاری زیاترت پێدەبەخشێت.

9.یارمەتی کەسانی تر بدە

کەمێک میهرەبانی دەتوانێت سوودی بۆ کەسانی تر و هەروەها بۆ خۆشت هەبێت.

لەوانەیە نازانیت لە ژیانی کەسانی دەوروبەرتدا چی ڕوودەدات، ڕەنگە میهرەبانیت بەتەواوی ئەو شتە بێت کە ئەوان پێویستیان پێیەتی.

هەرکاتێک دەرفەتت بۆ ڕەخسا یارمەتی کەسانی تر بدە.

پوختە

دڵخۆشکردنی خۆت بەڕاستی سادەیە. شتە سادەکانی وەک وەرزشکردن، چوونە دەرەوە، بەسەربردنی کات لەگەڵ هاوڕێ و خێزان، یارمەتیدانی کەسانی تر، فێربوونی کارامەیییەکی نوێ دەتوانێت دڵخۆشیت

 بۆ بهێنێت.