بۆ پەیوەندی 0533340388

چۆنیەتی ناسینەوەی نیشانەکانی تێکچوونی دەرونی
2023/07/09 - 05:25 | 1114 جار بینراوە

  زۆرجار تێکچوونی دەرونی بەهۆی فشاری توندەوە دەستپێدەکات و دەکرێت ببێتە هۆی دەرکەوتنی هەردوو نیشانەکانی تێکچوونی دەروونی و جەستەیی.

  تێکچوونی دەرونی چییە؟

" تێکچوونی دەرونی" زاراوەیەکە بەکاردێت بۆ وەسفکردنی کاتی نالەباری دەروونی کە لەناکاو ڕوودەدات ،لەوماوەیەدا ڕەنگە  نەتوانرێت کاری ڕۆژانە بە ئاسایی ئەنجامبدرێت لەو بارودۆخەدا.

 

تێکچوونی دەرونی دەکرێت بەهۆی چەند هۆکارێکەوە بێت، لەوانە:

1. گۆڕانکارییە سەرەکییەکانی ژیان

2. بێ خەوی

3. کێشە داراییەکان

4. مامەڵەی خراپ

5. زیادبوونی ئاستی فشار

6. کارەساتێکی لەناکاو

 

نیشانەکانی تێکچوونی دەرونی:

نیشانەکانی تێکچوونی دەرونی لە کەسێکەوە بۆ کەسێکی تر جیاوازە، هەروەها هۆکاری بنەڕەتی دەتوانێت کاریگەری لەسەر جۆرەکانی ئەو نیشانانە هەبێت کە تووشی دەبیت، لەوانەیە:

·      جەستەیی

·      دەروونی

·      ڕەفتاری

لەوانەیە پزیشک یەکێک لەم لە بژاردانە  بۆ چارەسەرکردن پێشنیار بکات وەک:

1. چارەسەری قسەکردن

2.  دەرمان

3.  گۆڕینی شێوازی ژیان

 

 

چارەسەری قسەکردن

لەوانەیە پزیشک پێشنیاری چارەسەری قسەکردن بکات ،جۆرێکی باوی چارەسەری دەروونیە کە بە شێوەیەکی باو بەکاردەهێنرێت پێی دەوترێت چارەسەری ڕەفتاری مەعریفی (CBT).

 

سەلمێنراوە کە سی بی تی کاریگەرە لە چارەسەرکردنی دڵەڕاوکێ و خەمۆکی و حاڵەتە جددیەکانی تری تەندروستی دەروونی. بریتییە لە دەستنیشانکردنی شێوازی بیرکردنەوەی کێشەدار و فێربوونی کارامەییەکانی ڕووبەڕووبوونەوە بۆ ئەوەی باشتر دۆخە تەحەدداییەکان تێپەڕێنن.

 

دەرمانەکان

جگە لە چارەسەری قسەکردن، ڕەنگە پزیشک پێشنیاری دەرمانی ڕەچەتە بکات بۆ چارەسەرکردنی نیشانەکان یان حاڵەتەکانی تری تەندروستی دەروونی دەستنیشانکراو. ئەمەش لەوانەیە دەرمانی دژە خەمۆکی یان دژە دڵەڕاوکێ لەخۆبگرێت.

 

گۆڕانی شێوازی ژیان

ئەگەر هەست بە زەبر و زەنگ دەکەیت و لە لێواری تێکچووندایت، ئەم ستراتیژیانە بۆ بەڕێوەبردنی نیشانەکانت لەبەرچاو بگرە:

دوور بکەوەرەوە لە کافاین و کحول کە لەوانەیە نیشانەکانی حاڵەتی تەندروستی دەروونی خراپتر بکات و کاریگەری لەسەر خەوتن دروست بکات.

وەرزشکردن بە بەردەوامی، ئەمەش یارمەتی بەرەنگاربوونەوەی فشار و باشترکردنی خەو دەدات، هەروەها دەرکەوتووە کە چالاکیی جەستەیی بەردەوام نیشانەکانی زۆرێک لە حاڵەتەکانی تەندروستی دەروونی باشتر دەکات.

خۆراکی تەندروست و هاوسەنگ بخۆ کە بڕێکی زۆر سەوزە و میوەی تازە و دانەوێڵەی تەواو و پرۆتینی بێ چەوری و گوێزی تێدابێت.

خشتەی خەوتن و ڕۆتینێک دابڕێژە کە یارمەتیت بدات بە باشی بخەویت، ئەمەش دەتوانێت بریتی بێت لە خوێندنەوەی کتێب، یان کوژاندنەوەی ئامێرە ئەلیکترۆنییەکان کاتژمێرێک پێش خەوتن.

 

دەتوانن سەردانی کلینیکی دەروونی بکەن لە نەخۆشخانەی هەرێم 

بۆ پەیوەندی : 07730143848

 

 

 



HaremHospital.com - 2024
دروستکراوە لەلایەن کۆمپانیای (کۆدتێك)ەوە
ژمارەی سەردان 394,651     ژمارەی میوان 20