گلوکۆما (ئاوی رەش)

گلوکۆما (ئاوی رەش) بریتییە لە کۆمەڵێک نەخۆشی چاو کە دەبێتە هۆی لەدەستدانی بینین و کوێربوون، نەخۆشییەکە بەهۆی تێکدانی دەمارێک لە پشتی چاوت کە پێی دەوترێت دەماری بینین دروستدەبێت.

نیشانەکان دەتوانن ئەوەندە بە هێواشی دەست پێبکەن کە ڕەنگە هەستیان پێ نەکەیت. تاکە ڕێگە بۆ ئەوەی بزانیت کە ئایا تووشی گلوکۆما بوویت ئەوەیە کە پشکنینی گشتگیر بۆ چاوی فراوانکراو ئەنجام بدەیت.

هیچ چارەسەرێک بۆ گلوکۆما نییە، بەڵام زۆرجار چارەسەری پێشوەختە دەتوانێت زیانەکان بوەستێنێت و بینینەکەت بپارێزێت.

هەر کەسێک دەتوانێت تووشی گلوکۆما بێت، بەڵام هەندێک کەس مەترسی زیاتریان لەسەرە لەوانە:

*تەمەنیان لە سەرووی ٦٠ ساڵەوەیە.

*مێژووی خێزانی توشی گلوکۆما بێت، واتە بۆماوەیی.

پزیشکان جۆرە جیاوازەکانی چارەسەر بۆ گلوکۆما بەکاردەهێنن، لەوانە دەرمان (بەزۆری قەترەی چاو)، چارەسەری لەیزەر و نەشتەرگەری.

دەرمانەکان. قەترەی چاو بە ڕەچەتە باوترین چارەسەرە. قەترەکان فشاری ناو چاوت دادەبەزێنن و ڕێگری دەکەن لە تێکچوونی دەماری بینین.

چارەسەری لەیزەر. بۆ دابەزاندنی پەستانی چاوت، پزیشکان دەتوانن لەیزەر بەکاربهێنن بۆ ئەوەی یارمەتی دەرچوونی شلەکە بدەن لە چاوت. ڕێکارێکی سادەیە کە پزیشکەکەت دەتوانێت لە ئۆفیسدا ئەنجامی بدات.

نەشتەرگەری. ئەگەر دەرمان و چارەسەری لەیزەر کار نەکات، لەوانەیە پزیشکەکەت پێشنیازی نەشتەرگەری بکات. چەند جۆرێکی جیاوازی نەشتەرگەری هەیە کە دەتوانێت یارمەتی دەرچوونی شلەکە بدات لە چاوت.