لەکاتی رودانی گەشکەی منداڵەکەت چی دەکەیت؟
ئەگەر منداڵەکە بە وەستانەوە بوو یان لە شوێنێكی بەرز بوو، پێویستە بە هێواشی و وریاییەوە بخرێتە سەر ئەرزێکی تەخت و پارچەیەک پەرۆی نەرم و تەخت بخەینە ژێر سەری.
لابردنی هەموو ئەو شتانەی لە دەوروبەریەتی تا زیان بە منداڵەکە نەگەیەنێت.
منداڵەکە بخەرە سەر لا تا ئەو لیک و دەردراوانەی لە دەمی دێتە درەوە نەچێتەوە قورگی.
هیچ فشارێکی توند لەسەر جەستەی مندالەکە بەکارنەهێنیت، تا زیان بە دان و ئێسکی نەگەیەنیت.
لەکاتی گەشکەدا نابێت منداڵەکە سەرەوخوار یان زۆر بجوڵێنرێت.
بە وردی سەیری ڕوداوەکان بکە تا دواتر بە وردی بۆ پزیشکەکەی باس بکەیت، وەک کات و مانەوەی گەشکە و شێوازەکەی.
ئەم زانیاریانە بۆ پزیشکەکەت گرنگە:
چۆنیەتی جوڵەی.
بەر لە ڕودانی گەشکەکە جوڵەی منداڵەکە چۆن بوو.
دوای گەشکەکە منداڵەکە چی کردووە؟ نوستووە یان پیسایی کردووە بە خۆیدا.