کەی پێویست دەکات پشکنینی دێکساسکان بکەم؟
دێکسا سکان بۆ پێوانەی چڕی ئێسک بەکاردێت، لەو نەخۆشانەی گومانی نەخۆشی فشەڵبوونی ئێسکیان لێدەکرێت.
فشەڵبوونی ئێسک چیە؟
نەخۆشییەکی ئێسکە لە سەرەتادا بێ ئازارە و هیچ نیشانەیەکی نییە، دەبێتە هۆی لاواز بوونی ئێسک، کە لەوانەیە بەهۆی زەبرێکی بچوک یان تەنانەت کۆکە ببێتە هۆی شکانی ئێسکی کەسەکە.
هۆکارەکانی فشەڵبوونی ئێسک :
هەڵکشانی تەمەن یەکێکەلە هۆکارەکان.
زیاتر لە ڕەگەزی مێدا بەربڵاوە
هۆکارە بۆماوەییەکان.
زوو وەستانی سوڕی مانگانە لە خانماندا.
لاوازی لەڕادەبەدەری جەستە.
کەمی ڕێژەی ڤیتامین D و کالسیۆم لە تەمەنی گەشەدا.
زۆر بەکارهێنانیجگەرە و مادە کحولییەکان.
زۆر خواردنەوەی قاوە زیاتر لە دوو کوپ رۆژانە.
هەندێ جۆری دەرمان و نەخۆشی درێژ خایەن.
کەی پشکنینی دێکساسکان گرنگە ئەنجامبدرێت؟
ئەوانەی تەمەنیان لە سەرووی 65 ساڵییەوەیە، هەروەها لە کاتی بوونی نەخۆشییە درێژخایەنەکان وەکو ڕۆماتیزم، غوددەکان، سستی گورچیلەکان و نەخۆشیەکانی قۆڵۆن، هەروەها بەکارهێنانی هەندێ جۆر دەرمان.