چۆن چارەسەری قۆڵۆن بکەم؟
*هێواش نانخواردن و باش جوينی خۆراکەکە و پەلەنەکردن لەکاتی نانخواردندا
*نەخواردنەوەی ئاو و ماستاو و شەربەت يان هەر خواردنەوەيەكی تر له گەڵ خواردن یان راستەوخۆ دوای خواردن. رێگە تەندروستەکەیە ئەوەیە "چارەکێک پێش خواردن و کاتژمێرێک دوای خواردن ئاو بخورێتەوە"
*نەخواردنی سەوزەی کاڵ وەک "کەوەر، كەرەوز، تەرەتيزه، شويت، تەرخون، پياز، برۆكلی، قەرنابيت و كەلەرم"، بەهۆی ئەوەی ریشاڵی نەتواوەیان تێدایە تەنها دەتوانرێت بە کوڵاوی بخورێت.
* خواردنی نان و سەموون و لەفە کەمبکرێتەوە و تەنها نانی تیری یان هەورامی بخورێت.
* خواردنی ريستۆرانت و فاست فود و پەتاته و گۆشتی برژاو نەخورێت.
**خواردنی دۆشاوی تەماته زۆر كەمبكرێتەوه، زياتر بەتەماته شلە و شۆربا لێبنرێت .
* توێكڵی ميوه نەخورێت، واتە "خەيار، سێو، هەنجير یان هەرشتێك توێکڵی هەبوو پاكبكرێت و بەبێ توێكڵ بخورێت.
*وازهێنان لە شەكر لەناو چا، ئيشی هەوير و شيرينی نەخورێت.
*نابێت شیر بخورێتەوە.
*چای خەست و قاوه نەخورێتەوە، بەتايبەتی بۆ ئەو كەسانەی دڵەكزێيان هەيه.
*هەندێك ميوەی وەك "ترۆزی، شوتی، كاڵەك، قۆخ و قەيسی كەمبكرێتەوه.
*هەندێك كەس ناڕەحەت دەبن بە خواردنی "نيسك، باينجان و تەماتەی كاڵ" دەتوانرێت كەمبكرێتەوه.
*دووركەوتنەوه لە خواردنی سورەوەكراو، دەبێت گۆشت و مريشك باش بكوڵێت پاشان بخورێن.
* نۆك و فاسۆليا و پاقله، شەو بكرێنە ئاو و خوێ و پێش لێنان زەرد بكرێن، لە كاتی لێناندا سيریان تێبكرێت زیانی نابێت.
*زيادكردنی ڕازيانه و زەردەچەوه بۆ ناو چا، خواردنەوەی چای گوڵەبەيبوون.
*زۆر گرنگە ڕۆژانە بۆ ماوەی یەک کاتژمێر بەپێ بڕۆیت یان وەرزشکردن.
*زوو نوستن لە شەواندا و بەیانیان زوو لەخەو هەستیت.