سالاسیمیا
نەخۆشیەکی خوێنی بۆ ماوەییە،بەهۆی بونی خەلەلێک لەهیمۆگڵۆبینی خوێنی کەسی توشبوداڕودەدات ودەبێتە هۆی کەم خوێنی.

بە گوێرەی توندی نەخۆشیەکەوە ئەکرێت بە سێ جۆرەوە:

1-هەڵگر یان سالاسمیای بچوک

2- مام ناوەند

3-سالاسیمیای گەورەیان توند.

ئەگەر باوک و دایک هەردوکیان هەڵگربن ئە وا بۆی هەیە یەک لەسەر چواری مناڵەکانیان توشی سالاسیمیای گەورەببن و یەک لەسەر چواری مناڵەکانیان تەواو ئاسایی بن و دوولەسەرچواری مناڵەکانیان هەڵگربن.

نیشانەکانی:
_کەم خوێنی
_تێکچونی شێوەی ئێسکەکانی دەم و چاو
_هیلاکی
_دواکەوتنی گەشە
_هەناسەتوندی
_زەردویی
_لە هەندێ جۆریشدا لەوانەیە ببێتە هۆی مردنی مناڵ لەسکی دایکیدا.

بەڵام ئەوانەی هەڵگرن ئەم نیشانەیان نیە و ئاسایین

دەست نیشانکردن:

دوای بینینی نەخۆشەکەو هەڵسەنگاندنی پزیشکەکە هەندێ پشکنینی خوێنی بۆ ئەنوسێت و لەوڕێگەیەوە دەستنیشانی نەخۆشیەکە دەکرێت.

چـــارەسەرکردن:

تێکردنی خوێن بۆ ئەوانەی سالاسیمیای مام ناوەند و گەورەیان هەیە
پێدانی فۆلیک ئەسید
دورکەوتنەوە لەبەکارهێنانی ئەودەرمانانەی کە مادەی ئاسنیان تێدایە
هەندێك جارپێویستە ئەو مادەی ئاسنەی لە لەشی توشبوداکۆدەبێتەوەبەبەکارهێنانی دەرمانی تایبەت بکرێتە دەرەوە.
چارەسەرێکیتریش بریتیە لەچاندنی مۆخی ئێسک.

چارەنوس و داهاتوی نەخۆشی سالاسیمیا:

سالاسیمیای توندڕەنگەببێتەهۆی پەککەوتنی دڵ و مردن.
پێدانی خوێن بە ڕێکی و بەکارهێنانی چارەسەرەکانیتر دەبێتە ڕێگر لەم حاڵەتە نەخوازراوە.

دکتۆر:کامەران احمد محمود

پسپۆڕی نەخۆشیەکان و نەشتەرگەری منداڵان و تازە لەدایکبووان

نەخۆشخانەی هەرێم