ڕێگری کردن لە دووگیانی بە چاندنی ژێر باڵ چییە؟
پێکهاتوە لە پارچە پلاستیکیكی بچوک کە بەبەنجی خۆجێی لە بەشی سەرەوەی باڵ لەژێر پێستدا دادەنرێت ، بۆماوەی ٣ ساڵ کار دەکات . ڕۆژانە بڕێکی دیاریکراو هۆڕمۆنی پڕۆجیسترۆن ئەڕژێتە سوڕی خوێنەوە کە ڕێگری لە دووگیان بوون دەکات ، واباشترە لە ٥ ڕۆژی سەرەتای سوڕی مانگانەدا دابنرێت ، دەتوانریت ڕاستەوخۆ لە دوای منداڵ بوونی سروشتی یاخود مناڵ بوون بە نەشتەرگەری یاخود دوای لەبارچوون دابنرێت،لەسەرەتای دانانیدا لەوانەیە کەسەکە توشی ئاوسان یاخود سوربوەنەوە ببێت لە جیگەی دانانەکەدا بەڵآم دوای چەند ڕۆژێک ئەو کاریگەرییانە نامێنن .
ئەم ڕێگەیە بۆ کێ باشە؟
بۆ ئەو دایکانەی شیر دەدەن یاخود ئەو کەسانەی بیریان دەچێت حەبی ڕێگری لە دووگیان بون بخۆن یان ئەو کەسانەی ناتوانن بە هیچ جۆرێک هۆڕمۆنی ئیسترۆجین وەربگرن .ئەم ڕێگەیە بە ڕێژەی ٪٩٩ سەرکەوتووە کەسەکە دەتوانێت لەماوەی ئەو ٣ ساڵە کەی بیەوێت لای ببات و دوگیان ببێت.
کێن ئەو کەسانەی ناتوانن ئەم ڕێگایە بەکار بهێنن؟
ئەو کەسانەی پێشتر توشی شێرپەنجەی مەمک بون یاخود ئێستا هەیانە یان ئەو کەسانەی نەخۆشی جگەر یان بۆرییەکانی خوێنیان هەیە یاخود ئەو کەسانەی توشی جەڵدە بون ناتوانن بەکاری بهێنن.