یەکەی هەناوبینی و کۆئەندامی هەرس و جگەر(نازوور): (GIT Unit)

ئەم یەکەیە یەکێکە لە بەشە هەرە پێشکەوتووەکان کە تێیدا بە وردترین تەکنەلۆژیا و لەژێر سەرپەرشتی پزیشکی پسپۆڕ، چارەسەر و دەستنیشانکردنی نەخۆشییەکانی کۆئەندامی هەرس و جگەری تێدا ئەنجام دەدرێت.

پشکنینی هەناوبینی ورد (O.G.D): بۆ سوورێنجک، گەدە و دوازدەگرێ.
ناوزەگی (Colonoscopy): پشکنینی وردی کۆڵۆن بۆ دەستنیشانکردنی هەر گرفتێک.
چارەسەری دەوالی سوورێنجک: لە ڕێگەی بەستنی (Banding) و لێدانی کڵیپی تایبەت بۆ ڕێگری لە خوێنبەربوون.
تەکنیکی PEG: دانانی سۆندەی خۆراک ڕاستەوخۆ بۆ ناو گەدە بۆ ئەو حاڵەتانەی پێویستیان پێیەتی.
نەشتەرگەری بچووک: وەک لابردنی گۆشتی زیادە (Polypectomy) و فراوانکردنی سوورێنجک (Dilation).
تەکنیکی ERCP: بۆ چارەسەری گرفتەکانی بۆری زراو، دەرهێنانی بەرد و دانانی سۆندە.

یەکەی تەقیم و پاکژکردنەوە: بەکارهێنانی باشترین جۆری پاککەرەوە ئەنزیمییەکان (Enzymatic Detergents) و ئامێری غەسالەی پێشکەوتوو بە ماددەی (High-Level Disinfectant) بۆ زامنکردنی پاکژیی تەواو لە ڤایرۆس و بەکتریا.
ژووری چاکبوونەوە (Recovery): دابینکردنی ژینگەیەکی ئارام بۆ چاودێریکردنی نەخۆش دوای پڕۆسێجەرەکان تا دڵنیابوونەوە لە سەقامگیری دۆخی تەندروستییان.